Income Tax Section 80D

INCOME TAX DEDUCTION SECTION 80D

அப்பா, அம்மா, கணவன் அல்லது மனைவி, குழந்தைகள்... இவர்களுக்காக எடுத்துள்ள மருத்துவக்காப்பீட்டு பிரீமியங்களை (Mediclaim Premium) மட்டுமே வருமான வரிச்சட்டம் 80D Section-படி வரிக்கழிவுக்குக் காட்டமுடியும். சகோதரர், சகோதரிக்கு எடுக்கும் மருத்துவக் காப்பீடுகளுக்கு இந்த செக்‌ஷனைப் பயன்படுத்தமுடியாது. மருத்துவக் காப்பீட்டுப் பிரீமியம் என்றில்லாமல், உங்களைச் சார்ந்துவாழும் சகோதர, சகோதரிகளின் மருத்துவ சிகிச்சை செலவுகளுக்கு 80DD, 80DDB செக்‌ஷன்படி வருமான வரிக்கழிவு பெறுவதற்கு வாய்ப்புள்ளது.

பார்வையின்மை, நடக்கமுடியாதபடி முடக்கிப்போடும் வியாதிகள், ஆட்டிசம் போன்ற உடல்நலக்கோளாறுகளால் பாதிக்கப்பட்டவர்கள், இன்னொருவரைச் சார்ந்தே வாழ்ந்தாக வேண்டிய கட்டாயம் ஏற்படுகிறது. தொடர் சிகிச்சை எடுக்கவேண்டிய கட்டாயமும்கூட இருக்கிறது. அது அவர்களுக்கும், அவர்களைப் பாதுகாப்பவர்களுக்கும் பெரிய நிதிச்சுமையாக அமையக்கூடும். எனவே, அந்த நிதிச்சுமையைக் குறைக்கும்விதமாக வருமான வரிக்கழிவுக்கு வழிவகுத்துள்ளார்கள். வருமானவரிச்சட்டம் 80DD செக்ஷன்படி, செவித்திறன் குறைபாடு, மனநலக் குறைபாடு, மன நோய், ஆட்டிசம், பெருமூளை வாதம், பார்வையின்மை, குறைவான பார்வை, தொழுநோய் போன்றவற்றுக்கான மருத்துவ சிகிச்சை செலவுகளை வருமான வரிக்கழிவுக்குக் காட்ட இயலும். அதற்கென சில விதிமுறைகளை வகுத்துள்ளார்கள்.

உடல்நலப் பாதிப்பு, குறைந்தபட்சம் 40 சதவிகிதம் என்ற அளவில் இருக்குமென்றால் ரூ.75,000 வரையிலும், குறைந்தபட்சம் 80 சதவிகிதம் என்ற அளவில் இருக்குமென்றால் ரூ.1,25,000 வரையிலும் வரிக்கழிவுக்குக் கணக்கில் காட்டலாம். மருத்துவ சிகிச்சை செலவுகளுக்கு Claim செய்வதற்கு தலைமை அரசு மருத்துவர் ஒருவரிடம் சிகிச்சை குறித்த அத்தாட்சிச் சான்றிதழும் (Form 10-IA), நியூராலஜிஸ்ட் ஒருவரிடம் சிகிச்சை சான்றிதழும் வாங்க வேண்டும். குழந்தைக்கான சிகிச்சையெனில் குழந்தை நல மருத்துவரின் அத்தாட்சிச் சான்றிதழ் தேவை. மருத்துவச்சான்றிதழ் மட்டுமின்றி ஆட்டிசம், பெருமூளை வாதம் போன்ற உடல்நலக் கோளாறுகளுக்கு Form 10-IA விண்ணப்பம், சுய அறிவிப்புச் சான்றிதழ் (Self-Declaration Certificate) போன்றவை தேவைப்படும்.

அடுத்ததாக, வருமான வரிச்சட்டம் 80DDB செக்ஷன்படி, முற்றிய நிலையிலுள்ள அதிதீவிரமான நோய்களுக்கான சிகிச்சை செலவுகளுக்கு வரிக்கழிவு பெறமுடியும். டிமென்ஷியா, கோரியா உள்ளிட்ட நரம்பு தொடர்பான நோய்கள், வீரியமான புற்றுநோய், ஹெச்.ஐ.வி, சிறுநீரகச் செயலிழப்பு, ரத்தம் உறையாமை உள்ளிட்ட நோய்களுக்கான சிகிச்சை செலவுகளுக்கு வருமான வரிக்கழிவு பெறலாம்.

இதற்காக விண்ணப்பிக்கும்போது அந்தந்த நோய்களுக்கான சிறப்பு மருத்துவர்களின் அத்தாட்சிச் சான்றிதழ்கள் அவசியம். வயதைப் பொறுத்து வரிக்கழிவு விகிதம் வேறுபடும். பொதுவாக அதிகபட்சம் 40,000 ரூபாய் வரையிலும், முதியவர்கள் எனில் ஒரு லட்சம் ரூபாய் வரையிலும் சிகிச்சைக்கான செலவுக்கு வருமான வரிக்கழிவு பெற விண்ணப்பிக்கலாம். இதில் சந்தேகமிருந்தாலோ, கூடுதல் விவரங்களைப் பெற விரும்பினாலோ, ஆடிட்டர் ஒருவரை நேரில் சந்தித்து விவரங்களைப் பெறுவது நல்லது.

Income Tax Deduction AY 2020-21

ASSESSMENT YEAR 2020-21 INCOME TAX DEDUCTION

ஐந்து லட்சம் ரூபாய் வரையிலான சம்பள வருமானத்துக்கு வருமான வரி கிடையாது என்ற இடைக்கால பட்ஜெட் அறிவிப்பு, எந்தவித மாற்றமும் இன்றி 2019-20 நிதி ஆண்டுக்கான முழுமையான பட்ஜெட்டில் உறுதி செய்யப்பட்டுள்ளது. மின் வாகனம் வாங்க பெறப்படும் கடனுக்கான வட்டியில் ரூ.1.5 லட்சமும், நடப்பு நிதியாண்டில் பெறப்போகும் ரூ.45 லட்சத்துக்குக் குறைவான விலைகொண்ட வீட்டுக் கடனுக்கான வட்டிக்குக் கூடுதலாக ரூ.1.5 லட்சமும் புதிய வரிச்சலுகைகளாகும்.

வரிக்கு உட்பட்ட வருமானம் (Taxable Income):

சம்பள வருமானம் என்பது அடிப்படை சம்பளம் (Basic Salary), அகவிலைப் படி, வீட்டு வாடகைப்படி உள்ளிட்ட பல்வேறு படிகளும் (Other Perks) சேர்ந்தது. இந்த மொத்த சம்பளத்தில், GPF, CPF, CPS, NPS, மருத்துவக் காப்பீட்டு (Mediclaim) பிரீமியம், ஆயுள் காப்பீட்டு பிரீமியம் (Life Insurance) போன்றவற்றுக்கு வரிச்சலுகை அளிக்கப்படும். இந்த வரிச்சலுகையுடன், நீங்கள் மேற்கொள்ளும் வரிச் சலுகைக்குரிய இதர செலவு மற்றும் சேமிப்பு வகைகளிலும் Deduction செய்ததுபோக உள்ள நிகர வருமானத்துக்கே வருமான வரி கட்ட வேண்டும். இதுதான் வரிக்கு உட்பட்ட வருமானம் (Taxable Income) எனப்படும்.

எனவே, நடப்பு நிதி ஆண்டில் சம்பளதாரர்களின் ஆண்டு வருமானம் எவ்வளவு என்பதைத் துல்லியமாகக் கணக்கிட்டுப் பார்த்து, அதற்கான வரியைச்செலுத்தத் தயாராகுங்கள். உங்கள் வருமானம் ரூ.5 லட்சத்துக்குள் அடங்கும்பட்சத்தில் நீங்கள் வரி எதனையும் கட்ட வேண்டியதில்லை என்பதை மறக்காதீர்கள்.

கடைசி நேரத்தில் ரூ.5 லட்சம் என்று வராமல், ரூ.5,00,010 என்று வந்துவிட்டால், வருமான வரியாக ரூ.12,502-ம், அதற்கான 4% தீர்வையாக ரூ.500-ம் செலுத்த வேண்டிவரும். வெறும் பத்து ரூபாய் கூடுதல் வருமானத்துக்கு 13,002 ரூபாயை வரியாகச் செலுத்த வைத்துவிடும்.

                வரிச் சலுகைகளைப் பொறுத்தவரை கவலைக்குரிய ஒரு செய்தி என்னவென்றால், சம்பளதாரர்களில் பலரும் தங்களின் சம்பளத்தில் பிடிக்கப்படும் PF, காப்பீட்டுத் திட்டங்களுக்கான பிரீமியம் போன்ற கட்டாயப் பிடித்தங்களை மட்டுமே மேற்கொண்டு வருகிறார்கள். சம்பளப் பிடித்தத்தையும் தாண்டி சேமிப்பு மற்றும் முதலீடு செய்வோர் குறைந்த எண்ணிக்கையில்தான் இருக்கின்றனர். இவ்வாறு சம்பளப் பிடித்தம் மட்டுமே கொண்ட சம்பளதாரர்கள் தங்களின் நிகர வருமானம் ரூ.5 லட்சத்தைத் தாண்டாமல் இருக்கிறதா என்பதை மிகச் சரியாகக் கணக்கிட்டுப் பார்த்துவிடுவது, வரிச் சலுகையைத் தவறவிடாமல் பெறுவதற்கு அவசியம்.

பொதுவான வரிச் சலுகைகள்:

வருமான வரிப் பிரிவானது, 80C முதல் 80U வரையிலும் மற்றும் பிரிவு 10(13), பிரிவு 24 ஆகியவற்றையும் சேர்த்து சுமார் ரூ. 21 லட்சம் அளவுக்கு வரிச் சலுகைகள் தந்துள்ளபோதிலும், அத்தனை சலுகைகளையும் அனைவரும் பெற இயலாது.

அனைவருக்கும் பொதுவான சலுகை என்பது பிரிவு 80சி-யின் கீழ் ரூ.1.5 லட்சம், பிரிவு 80CCD (1B)-யின்கீழ் ரூ.50,000 மற்றும் பிரிவு 80D-ன் கீழ் ரூ.50,000 ஆக ரூ.2.5 லட்சம் மட்டுமே அனைவருக்குமான பொதுவான சலுகை.

இவற்றுடன் பிரிவு 16-ன்கீழ் தரப்படும் Standard Deduction Rs.50,000 ரூபாயையும் சேர்த்தால், சம்பளதாரர்களுக்குப் பொதுவான சலுகை ரூ.3 லட்சம் மட்டுமே. ஆனால், இந்த ரூ.3 லட்சம் வரிச் சலுகையைப் பயன்படுத்த வேண்டியவர்களில் பலர் பயன்படுத்திக்கொள்வதில்லை என்பதே இப்போதைய நிலை.

பதவிக் காலத்தில் இருந்த வாழ்க்கை நிலைக்குச் சமமாக ஓய்வுக்கால வாழ்வும் தொடரவேண்டுமானால், அதற்கான சேமிப்பு நிதி சம்பளத்தில் மூன்றில் ஒரு பங்கு என்பதை கவனத்தில்கொள்ள வேண்டும்.

நீண்டுவரும் ஓய்வுக்கால வாழ்நாள் மற்றும் நிறுத்தப்பட்டுள்ள பழைய பென்ஷன் ஆகியவற்றைக் கருத்தில்கொண்டு அடிப்படைச் சேமிப்பு நிதியைக் கடைப்பிடிப்பது அவசியமாகிறது. அவ்வாறு கடைப்பிடித்தால் ஓய்வுக்காலத்துக்கான நிதி போதுமான அளவுக்குக் குவியும். நடப்பு நிதியாண்டில் வரியில்லா வருமானச் சலுகையும் கிடைக்கும். அதற்கான சுருக்கமான கணக்கீடு இதோ...

மொத்த சம்பள வருமானம் : ரூ.8 லட்சம்

(-) Standard Deduction : ரூ. 0.5 லட்சம்

(-) 80C சேமிப்பு : ரூ.1.5 லட்சம்

(-) 80CCD (1B) : ரூ.0.5 லட்சம்

(-) 80D காப்பீடு : ரூ.0.5 லட்சம்

Total Deduction : ரூ.3 லட்சம்

நிகர வருமானம் : ரூ.5 லட்சம்.

எனவே, வரித் தள்ளுபடி கிடைத்துவிடும்.

இந்த பதிவு, கணக்கீடுகள் எல்லாம் கட்டாயமாக வரிச் சலுகை பெறுவதற்காக அல்ல. ரூ.5 லட்சம் தொடப்போகும் அல்லது வாங்கும் ஒரு சம்பளதாரர் தனது சம்பள வருமானத்தின் அனைத்து வகைகளையும் விட்டுவிடாமல் கணக்கீடு செய்ய மட்டுமே.

கூடுதல் சம்பளம் பெறுவோர், சம்பளப் பிடித்தத்துக்கு வெளியே எவ்வளவு சேமிப்பு செய்தால் வரிச் சலுகை பெறலாம் என்பதை உறுதி செய்துகொள்ளலாம்.

சம்பள வருமானத்தின் ஒரு குறிப்பிட்ட வகையைக் கணக்கில் எடுத்துக்கொள்ளாத தால், வரிச் சலுகை வாய்ப்பை இழந்து விட்டோமே என்ற கடைசி நேர தவிப்பைத் தவிர்க்க மேற்சொன்ன கணக்கீடுகள் ஓரளவுக்கு உதவக்கூடும்.

80C பிரிவு தரும் ரூ.1.5 லட்சம் சேமிப்பை செய்ய 19 வகையான சேமிப்பு வகைகளை ஒருவர் நாடலாம். இதில் கல்விச் செலவு மற்றும் வீட்டுக் கடன் அசல் (Home Loan Re-Payment) போக மிஞ்சிய 17 சேமிப்பு வகைகள் அனைவருக்கும் பொதுவானவை. நீண்ட கால சேமிப்பு தேவையெனில் பப்ளிக் பிராவிடன்ட் ஃபண்ட் (PPF), சுகன்யா சம்ருதி திட்டம் போன்றவற்றைப் பயன்படுத்திக்கொள்ளலாம்.

எனக்கு அவ்வப்போது பணம் தேவைப்படும், அவ்வப்போது சேமிக்கவும் முடியும் என நினைக்கிறவர்கள் தேசிய சேமிப்புப் பத்திரம், அஞ்சலக ஐந்தாண்டுக்கால டைம் டெபாசிட், அனுமதிக்கப்பட்ட ஐந்தாண்டுக்கால வங்கி டெபாசிட் முதலியவற்றைப் பரிசீலிக்கலாம்.

நிகர வருமானம் அதாவது, சம்பளப் பிடித்தம் போக உள்ள வருமானம், ரூ.5,12,000 என்று இருக்குமேயானால், அவர்களும்கூட சற்றே முயற்சி செய்து மாதம் 1,000 ரூபாயைச் சேமித்தால், ரூ.27,496 பணப்பலனாகப் பெறலாமே! (சேமிப்பு : ரூ.12,000 + வரிச் சலுகை: ரூ.15,496 = மொத்த பணப்பலன்: ரூ.27,496)

நடப்பு நிதியாண்டின் முதல் காலாண்டு கடந்து விட்டது. எஞ்சியுள்ள மூன்று காலாண்டுக்கு இப்போதே திட்டமிட்டு முதலீடு செய்தால், கணிசமான தொகையை மிச்சப்படுத்த முடியும்.

நன்றி: விகடன்

How to file Income Tax Return in Tamil

HOW TO FILE INCOME TAX RETURN ONLINE

                வரும் 31.08.2019 வரை Income Tax Return file செய்ய அவகாசம் நீட்டிக்கப்பட்டுள்ளது. ஆண்டுக்கு இரண்டரை லட்ச ரூபாய்க்கு மேல் சம்பாதிக்கும் அனைவரும் கட்டாயம் வருமான Income Tax Return file செய்ய வேண்டும். ஆன்லைனிலேயே Income Tax Return file செய்யமுடியும் என்றாலும், அதற்கான நடைமுறைகள் தெரியாமல் பலரும் தவிக்கிறார்கள்.

Online Income Tax Return file செய்வதற்கு முன்பாக உங்களது 1) Form-16 (நீங்கள் வேலை செய்யும் கம்பெனியிலிருந்து பெற்றுக்கொள்ளலாம்), 2) PAN Card, 3) Aadhar Card, நீங்கள் வைத்திருக்கும் அனைத்து வகையான 4) Bank Account Details (Bank Account No and Bank IFSC Code) ஆகியவற்றை வைத்துக்கொள்ள வேண்டும்.

நீங்களே Online மூலம் உங்களது Computer அல்லது Browsing Centre-லியோ Income Tax Return file செய்யமுடியும். ஆனால், சிலவற்றுக்கு Income Tax Act 44AB என்ற Section மூலம் File செய்ய வேண்டி இருந்தால் Chartered Accountant சரிபார்த்து Certificate தரவேண்டி இருக்கும். அவற்றுக்கு மட்டுமே தனி நபரால் Income Tax Return file செய்ய முடியாது. ஒருவருடைய ஆண்டு வருமானம் அல்லது ஆண்டு Turnover அல்லது Sales ஒரு கோடி ரூபாய்க்குமேல் இருந்தால், அவருக்கான Income Statement-களை ஆடிட்டர் சரிபார்த்து Certificate அளித்த பின்னர்தான் தாக்கல் செய்யமுடியும். ஆண்டு வருமானம் ஒரு கோடி ரூபாய்க்கு குறைவாக இருக்கும்போது சம்பந்தப்பட்டவர்களே Income Tax Return file செய்யலாம்.

முதலில் Income Tax (https://www.incometaxindiaefiling.gov.in/home) இணையதளத்தில், உங்களுடைய தனிப்பட்ட Details Enter செய்து உங்களது Username and Password Create செய்ய வேண்டும். அதற்கு, நீங்கள் தனிநபரா, கூட்டுக்குடும்பமா என்றெல்லாம் Option இருக்கும். அதற்கு சரியானதைத் தேர்வு செய்து, அதன்பின் PAN Card எண், பெயர், பிறந்த தேதி, இந்தியாவில் வசிப்பவரா அல்லது வெளிநாட்டில் வசிப்பவரா என்பது போன்ற விவரங்களை அளிக்க வேண்டும். அடுத்து மொபைல் எண், e-Mail Address போன்ற விவரங்களைப் பதிவுசெய்ய வேண்டும்.

மொபைல் எண்ணை உறுதிப்படுத்த One Time Password (OTP) வரும். அதேபோல், e-Mail Address உறுதிப்படுத்த முதலில் ஒரு Activation Link உங்களது Mail-க்கு வரும், உங்களது Activation Link Receive செய்ய தாமதம் ஆனால், SPAM Box folder-ல் Check செய்யவும், Mail-லும் ஒரு One Time Password (OTP) வரும். இரண்டு One Time Password (OTP) பதிவுசெய்து Password Create செய்து கொள்ள வேண்டும்.

அதன்பின்னர், இணையதளத்தில் Log in செய்ததும் Next Page திறக்கும்.

அந்தப் பக்கத்தில் e-File என்ற Link-ஐ Clik செய்யவும். Click செய்ததும் கீழ்க்கண்ட Page Load ஆகும் உங்களுடைய PAN No Automatic ஆக Edit செய்ய முடியாதவாறு Show ஆகும்.

அதில், நீங்கள் Income Tax Return file செய்யும் Assessment Year (தற்பொழுது 2019-20) தேர்வுசெய்ய வேண்டும். அடுத்து, நீங்கள் உங்களது சம்பள கணக்குகளை மட்டும் file செய்ய வேண்டி இருந்தால் ITR-1 Form-ஐ தேர்வு செய்ய வேண்டும். `Submission mode' என்ற Option-ல் Prepare and Submit Online அல்லது XML Upload என்பதைத் தேர்வுசெய்து continue கொடுங்கள். தற்பொழுது Offline ஆக இல்லாமல் Online முறையில் ITR -1 file செய்வதை பார்ப்பதால், Prepare and Submit என்பதைத் தேர்வுசெய்து continue கொடுங்கள், ITR-1 Online  பார்ம் கிடைக்கும்.

இதற்கு முன்னர் உங்களது Form 26AS ஐ Check செய்து கொள்ள வேண்டும், இதில் தான் உங்களுக்கு ஒருவருடத்தில் நீங்கள் வேலை செய்யும் நிறுவனம் file செய்த Salary and TDS Details, மேலும், உங்களுக்கு Bank-ன் மூலம் வட்டி கிடைத்திருந்தால் அதன் Details இருக்கும், எனவே முதலில் உங்களுடைய Form 26AS view செய்து பார்த்து, ஏதேனும் குறைவாகவோ அல்லது அதிகமாகவோ வந்திருப்பின் சம்பந்தப்பட்ட நிறுவனம் அல்லது Bank-க்கு தெரிவித்து மீண்டும் Revised return file செய்ய சொல்ல வேண்டும், இல்லையென்றால் உங்களது அந்த வருடத்திற்குறிய file செய்த Income Tax Return ஆனது Reject செய்ய வாய்ப்பு உள்ளது.

Form 26AS View செய்ய மேலே படத்தில் உள்ள “My Account” menu click செய்து, View Form 26AS (Tax Credit) Option select செய்தால் புதிய Window open ஆகி, அதில் உள்ள முதல் menu-வில், view my 26AS Click செய்து, சரியான Year Select செய்து Submit கொடுத்தால், உங்களது Form 26AS Statement view ஆகும், இதனை PDF file format-ல் Download செய்து கொள்ளலாம்.

மேலே கூறியபடி, Assessment Year, Form Type and Online Mode Select செய்த உடன், மேலே உள்ளபடி General Instruction TAB தெரிய வரும், இதில் உங்களுக்கான Return file செய்வதற்குறிய General Instruction இருக்கும், நீங்கள் ஒவ்வொரு Tab அல்லது Page Entry செய்து முடிக்கும் பொழுது Save Draft Button-ஐ Click செய்து Save செய்து கொள்ளவும்.

 

அடுத்த TAB Part A: General Information Section, இதில் உங்களது PAN No, Name, Address, Mobile No, Mail ID Default உங்களது Profile அல்லது கடைசி Income Tax Return Base செய்து display செய்திருக்கும். இதனை நீங்கள் மாற்ற விரும்பினால் மாற்றிக்கொள்ளலாம்.

அடுத்து computation of income and tax என்ற Menu Click செய்யுங்கள். அதில், உங்களது மாதச்சம்பளம், Bank Interest வருமானம், இதர வைப்பு நிதி வருமானம், சொந்தமாக வீடு இருந்தால் அதிலிருந்து கிடைக்கும் வருமானம், Bank Home Loan பெற்றிருந்தால் அதற்கான வட்டி, வேறு ஏதேனும் முதலீடுகள் செய்திருந்தால் அந்த விவரங்கள், காப்பீடுகள், வருமான வரிச்சட்டம் 80D பிரிவுக்கான சலுகை விவரங்கள் அனைத்தையும் நிரப்ப வேண்டும். பெரும்பாலும் இது ஏற்கெனவே நிரப்பப்பட்டிருக்கும். ஏதேனும் விடுபட்டிருந்தால் நிரப்பிக்கொள்ளுங்கள். உங்கள் மொத்த வருமானம், கழிவுகள் போக நீங்கள் கட்ட வேண்டிய வரி அல்லது உங்களுக்கு ரிட்டனாகும் தொகை குறித்த விவரங்களும் அதில் இருக்கும்.

அடுத்த Tab Tax details. இதுவரை பிடித்தம் செய்யப்பட்ட தொகை, TDS விவரங்கள் இந்தப் பக்கத்தில் இருக்கும். முக்கியமாக இதில் ஏற்கனவே கூறியபடி, உங்களுக்கு பிடித்தம் செய்யப்பட்ட தொகை அனைத்தும் வரவு வைக்கப்பட்டுள்ளதா என்பதை உறுதி செய்து கொள்ளவும், ஏனெனில் உங்களுக்கு Tax Refund இருக்கும் பட்சத்தில், உங்களது PAN கணக்கில் பிடித்தம் செய்யப்பட்ட அனைத்து தொகையும் இந்த Page-ல் Display இருந்தால் மட்டுமே எந்த பிரச்சனை இல்லாமல் Refund கிடைக்கும்.

அடுத்த மெனு, Taxes paid and verification. இந்தப் பக்கத்தில் நீங்கள் கட்ட வேண்டிய தொகை அல்லது ரிட்டனாகும் தொகை, உங்கள் வங்கிக்கணக்கு விவரங்கள் இருக்கும். உங்களுக்கு ஒன்றுக்கும் மேற்பட்ட வங்கி கணக்குகள் இருப்பின் அனைத்தையும் இந்த பக்கத்தில் தெரிவிக்கவும், மேலும் நீங்கள் Refund பெற வேண்டிய வங்கி கணக்கையும் தேர்ந்தெடுக்க வேண்டும். உங்களது Return எந்த முறையில் Verification செய்ய உள்ளீர்கள் என்பதை தேர்ந்தெடுக்க வேண்டும்.

அடுத்த மெனு Donations 80G. நீங்கள் ஏதேனும் தொண்டு நிறுவனத்துக்கோ, அல்லது தேசிய பேரிடர்களின்போது முதல்வர் அல்லது பிரதமர் நிவாரண நிதிகளுக்கோ நன்கொடை அளித்திருந்தால் அவற்றை இந்தப் பக்கத்தில் பதிவிட வேண்டும். இந்த நன்கொடைகளுக்கு 50 சதவிகிதம் முதல் 100 சதவிகிதம் வரை Tax Deduction உண்டு. அரசு சார்ந்த அமைப்புகளுக்கான நன்கொடைகளுக்கு 100 சதவிகித வரிக்கழிவு கிடைக்கலாம். தொண்டு நிறுவனங்களுக்கு நன்கொடை அளித்தால் 50 சதவிகிதம் Deducion வழங்கப்படும். நன்கொடை அளித்த நிறுவனத்திடம் நீங்கள் நன்கொடை அளித்ததற்கு உண்டான ரசீது, 80G தொடர்பான சான்றிதழ் பெறுவது அவசியம். அந்த நிறுவனத்தின் பான் கார்டு மற்றும் முகவரியைப் பதிவுசெய்ய வேண்டும்.

அடுத்துள்ள TAB Donations 80GGA. அறிவியல் ஆராய்ச்சி சார்ந்த பணிகளுக்கு நன்கொடை வழங்கியிருந்தால் இந்த மெனுவில் விவரங்களைப் பதிவுசெய்ய வேண்டும். நன்கொடைகள் குறித்து நீங்கள் செய்யும் பதிவுகள், Taxes paid and verification பக்கத்தில் பதிவாகிக்கொண்டே வரும். எல்லாப் பதிவுகளையும் முடித்தபிறகு, எல்லாவற்றையும் மீண்டும் ஒருமுறை சரிபார்த்து Taxes paid and verification பக்கத்துக்கு வந்து preview and submit பட்டனை அழுத்த வேண்டும். நீங்கள் ஏதேனும் விவரங்களைப் பதிவு செய்யாமல் விட்டிருந்தால் அதுவே உங்களுக்குச் சுட்டிக்காட்டும். எல்லாம் நிறைவாகப் பதிவு செய்திருந்தால் சப்மிட் ஆகிவிடும்.

இதோடு முடிந்துவிடாது. இன்னும் ஒரு முக்கியப் பணி இருக்கிறது. கணக்கைத் தாக்கல் செய்தது நீங்கள் தான் என்பதை உறுதிசெய்ய e-Verification செய்ய வேண்டும். Income Tax Return file செய்ததும் e-Verification என்றொரு Menu உங்கள் பார்வைக்கு வரும். அதில் மூன்று Option தரப்பட்டிருக்கும். மூன்றாவதாக உள்ள `Aadhar Card வழியாக e-Verification செய்யும்' பட்டனை அழுத்தினால் ஆதார் கார்டில் இணைத்துள்ள மொபைல் நம்பருக்கு ஒரு One Time Password வரும். அதை அந்தப் பக்கத்தில் பதிவு செய்து Submit கொடுத்தால் முடிந்தது அல்லது நீங்கள் Online வங்கி கணக்கு வைத்திருந்தால் அதன் மூலமும் e-Verification செய்யலாம். நீங்கள் எந்த மெயிலை வருமான Income Tax Profile-ல் பதிவு செய்திருக்கிறீர்களோ, அந்த மெயிலுக்கு நீங்கள் Income Tax Return file செய்ததற்கு உண்டான சான்றிதழ் வந்துவிடும்.

நீங்கள் கூடுதலாக வரி கட்ட வேண்டியிருந்தால் ஆன்லைனிலேயே கட்டிவிடலாம். உங்களுக்கு பணம் ரிட்டனாகும் வாய்ப்பிருந்தால் நீங்கள் தந்துள்ள வங்கிக்கணக்குக்கு தானாக வந்துவிடும். மாதச்சம்பளம் பெறுபவருக்கு ஒரு வீடு மட்டும் சொந்தமாக இருக்கும்வரை ITR-1 படிவமே போதுமானது. குறைவான வருமானமுள்ள சிறு விற்பனையாளர்களாக இருந்தால் ITR-4 என்ற படிவத்தின்மூலம் வருமான வரித்தாக்கல் செய்யலாம்.

மேலும் சந்தேகங்கள் இருப்பின் Comment Box-ல் தெரிவிக்கவும். இந்த பதிவை மற்றவர்களுக்கு Share செய்வதன் மூலம் அவர்களும் பயன்பெறுவார்கள்.

TDS Exemption Form 15G and Form 15H

FORM 15G/ 15H TDS EXEMPTION

Bank மூலம் வரும் வட்டி Rs.10,000/- க்கு மேல் செல்லும் பட்சத்தில், Bank TDS முறையில் வரியை பிடித்தம் செய்து கொண்டு மீதமுள்ள Interest நமது Bank Account-க்கு வரும், இது உங்களது வருட வருமானது Tax Basic Limit-ஐ விட குறைவாக இருந்தாலும் Bank-ல் TDS பிடித்தம் செய்வார்கள். இந்த சமயத்தில்  Form 15G அல்லது Form 15H ஆனது ஒருவருக்கு வரும் குறிப்பிட்ட Income லிருந்து TDS பிடித்தம் செய்யப்படுவதை தவிர்க்க பயன்படுத்தலாம். இதற்கு PAN அவசியம். Form 15H ஆனது வயதானவர்கள் (Senior Citizen) மற்றும் Form 15G மற்ற அனைவரும் பயன்படுத்தலாம்.

Budget 2019-ல் Post Office மற்றும் Bank Deposit க்கு TDS பிடித்தம் செய்யப்படும் Interest Amount Limit Rs.10,000/- இருந்து Rs.40,000/- ஆகவும், வாடகைக்கு Rs.1,80,000/- இருந்து Rs.2,40,000/- ஆகவும் மாற்றம் செய்துள்ளார்கள்.

1) CONDITIONS FOR FORM 15G:-

a) Company மற்றும் Partner Ship Firm தவிர மற்ற அனைவரும் பயன்படுத்தலாம் (Individual, HUF, Trust, any other Assessee)

b) இந்திய குடியுரிமை பெற்றிருக்கவேண்டும்.

c) 60 வயதுக்குள் இருக்க வேண்டும்.

d) வருடத்திற்குறிய Tax Nil ஆக இருக்க வேண்டும்.

e) உங்களுக்கு வரும் அந்த வருடத்தின் Interest ஆனது அந்த வருடத்திற்குறிய Basic Exempt Limit-க்குள் இருக்க வேண்டும். (Financial Year 2019-20 வருடத்தின் Basic Exempt Limit Rs.250000/-).

1) CONDITIONS FOR FORM 15H:-

a) தனிநபர் மற்றும் இந்திய குடியுரிமை பெற்றிருக்க வேண்டும்

b) 60 வயதுக்கு மேல் இருக்க வேண்டும். (Senior Citizen Only)

c) வருட வாருமானத்திற்குறிய Tax Nil ஆக இருக்க வேண்டும்.

கீழேகொடுக்கப்பட்டவைகளுக்கு Form 15G/ 15H கொடுத்து TDS Exemption பெற்றுக் கொள்ளலாம்.

1) TDS on EPF Withdrawal: EPF வைப்புநிதியிலிருந்து பணம் பெற 5 வருடங்களுக்குள் மற்றும் Rs.50,000/- க்கு மேல் விண்ணப்பித்தால் TDS கழித்தது போக உள்ள பணம் தான் Bank Account-க்கு வரும், இதனை தவிர்க்க Form 15G/ 15H EPF Withdraw விண்ணப்பிக்கும் போதே உடன் Submit செய்தால் TDS பிடித்தம் செய்யமாட்டார்கள்.

2) TDS on income from Corporate Bonds: நீங்கள் Corporate Bond வைத்திருந்து அதன் மூலம் Rs.5,000/- க்கு மேல் Income வரும் பட்சத்தில் TDS பிடித்தம் செய்வார்கள். இதனை தவிர்க்க அந்த நிறுவனத்திற்கு உங்களது Form 15G/ 15H கொடுத்து TDS பிடித்தம் செய்வதை தவிர்க்க சொல்லலாம்.

3) TDS on Post office Savings & Bank Deposit: 01.04.2019 முதல் Bank Deposit மற்றும் Post Office Savings Account மூலமாக வரும் Interest ஒருவருடத்தில் Rs.40,000/- க்கு மேல் உள்ள பட்சத்தில் Form 15G/ 15H கொடுத்து TDS பிடித்தம் செய்வதை தவிர்க்கலாம்.

4) TDS on Rent: 01.04.2019 முதல் TDS on Rent Rs.2,40,000/- ஆக உயர்த்தியுள்ளார்கள், உங்களது வருட வருமானத்திற்கு Tax கட்ட வேண்டியது இல்லை என்றால், Form 15G/ 15H கொடுத்து TDS பிடித்தம் செய்வதை தவிர்க்க சொல்லலாம்

5) TDS on Insurance Commission: Insurance Agent-க்கு ஒரு வருடத்தில் வரும் Insurance Commission ஆனது Rs.15,000/- க்கு மேல் செல்லும் பட்சத்தில் TDS பிடித்தம் செய்வார்கள், எனவே Form 15G/ 15H கொடுத்து TDS பிடித்தம் செய்வதை தவிர்க்கலாம்.

இந்த Form 15G அல்லது Form 15H ஐ Income Tax –க்கு சமர்ப்பிக்க தேவையில்லை, TDS பிடித்தம் செய்பவருக்கு கொடுத்தால் போதுமானது.

Why Income Tax Filing

WHY INCOME TAX FILE?

ஒவ்வொரு ஆண்டும் வருமான வரித் துறையிடம் தனி நபரோ, இந்து கூட்டுக் குடும்ப அமைப்போ, நிறுவனமோ, நிறுமங்களோ, எல்லோரும் முறையாக தங்கள் வருமான வரிக் கணக்கை தாக்கல் செய்ய வேண்டும். கடந்த 2018-19 நிதி ஆண்டுக்கு ஜூலை 31, 2019 தான் வருமான வரி தாக்கல் செய்ய கடைசி தேதியாக இருந்தது. ஆனால் அரசு மேலும் ஒரு மாதம் நீட்டிப்பு (ஆகஸ்ட் 31, 2019 வரை) வழங்கி உள்ளது.

Income Tax தாக்கல் செய்வது அவசியமா..? ஏன் ஒரு தனி நபர் வருமான வரி தாக்கல் செய்ய வேண்டும்? Income Tax தாக்கல் செய்வதால் ஒருவருக்கு என்ன நன்மை? இந்த பதிவில் அதைப்பற்றி பார்க்கலாம்.

1. Refund: மாத சம்பளம் வாங்கும் தனிநபர்களுக்கு, அவர்களுடைய மாதாந்திர வருமானம் அந்த நிதியாண்டில் வருமான வரம்பிற்கு மேல் இருக்கும் பட்சத்தில் அவர்களுடைய மாத சம்பளத்திலுருந்து வரி (TDS) பிடித்தம் செய்யப்பாட்டு, அவர்களுடைய PAN கணக்கில் வரவு வைக்கப்படும், மேலும் வங்கிகளில் Fixed Deposit செய்யும்பொழுது ஒரு வருடத்திற்கு Rs.10000/- க்குமேல் வட்டி வரும் பட்சத்தில் வங்கியானது வரி (TDS) பிடித்தம் செய்யப்பாட்டு, அவர்களுடைய PAN கணக்கில் வரவு வைக்கப்படும்.

இவ்வாறு பலரும் தங்களுக்கான வரி பிடித்தம் செய்யப்பட்ட பணத்தைக் கூட பார்க்கத் தெரிவதில்லை. ஆகையால் வருமான வரி தாக்கல் செய்ய வரும் போது தான் கூடுதலாக செலுத்தி இருக்கும் வரியை முறையாக Refund பெற முடியும்..

2. Bank Loan: இன்று சொந்த வீடு, சொந்த கார் வாங்குவது எல்லாம் நம் சொந்த பணத்தில் சாத்தியமே இல்லை என்கிற நிலை உருவாகிவிட்டது. எப்படியும் வங்கிக்கடன் தான் வாங்க வேண்டும். இதற்கு நாம் வங்கியை அணுகும் பொழுது வங்கி உங்களிடம் முதலில் கேட்பது உங்களுடைய வருமான வரி தாக்கல் செய்ததற்கு உண்டான Proof தான், ஆகையால் Income Tax தாக்கல் செய்திருந்தால், நமக்கு கிடைக்க வேண்டிய கடன் கொஞ்சம் எளிதில் கிடைக்கும்.

3. நட்டக் கணக்கு: பங்குகளில் முதலீடு செய்து, ஏற்பட்ட நட்டத்தை அடுத்தடுத்த ஆண்டுகளில் Carry forward செய்து, அடுத்தடுத்த ஆண்டுகளில் வரும் பங்கு சார் வருமானத்துக்கு கழிவு பெற வேண்டும் என்றால், ஒவ்வொரு வருடமும் முறையாக Income Tax தாக்கல் செய்ய வேண்டும்.

4. வருமான சான்று: அரசு அலுவலகங்களில் நம்முடைய வருமான சான்றாக, நாம் செலுத்திய Income Tax படிவங்களைக் காண்பிக்கலாம்.

5. Foreign Trip: ஒரு சில நாடுகளுக்கு செல்ல இருக்கும் பொழுது Passport உடன் Visa அவசியமாகிறது, தற்பொழுது Visa Apply செய்வதற்கு கூட வருமான வரி செலுத்திய Details கொடுத்தால்தான் Foreign செல்ல Visa கிடைக்கும்.

5. சட்ட சிக்கல்கள்: சில வருடங்களுக்குப் பின், ஏன் நீங்கள் வருமான வரி தாக்கல் செய்யவில்லை என வருமான வரித்துறை நமக்கு நோட்டீஸ் விட்டு கேட்பதற்கு பதிலாக, நாம் இன்றே ஒழுங்காக வருமான வரி தாக்கல் செய்து நல்ல பிள்ளையாகி விடுவோமே. அதற்காக Income Tax தாக்கல் செய்யுங்கள்.

மேற்கூறியவை போக தங்களிடம் ஏதாவது ஒரு இடத்தில் Income Tax file செய்த Details கேட்டு இருந்தால் அதனை Comment Box-ல் தெரிவியுங்கள்.

What is Advance Tax?

ADVANCE TAX (INCOME TAX)

தலைப்பே சொல்லிவுடும் Advance Tax என்றால் என்ன என்று, Advance Tax பற்றி மேலும் விரிவாக இந்த பதிவில் காணலாம்.

தனிநபருக்கோ அல்லது கம்பெனிகளுக்கு ஒரு வருடத்திற்கு உண்டான கட்ட வேண்டிய Income Tax Rs.10000/- அல்லது அதற்கு மேல் இருந்தால் அவர் Advance Tax கட்டவேண்டிய Rule க்கு கீழ் வருகிறார். மேலே கூறியபடி ஒரு வருடத்தின் Income Tax-ஐ வருடம் முழுவதும், Income Tax Act-ல் கூறியுள்ள Due Date மற்றும் Percentage படி, அந்த வருடத்திற்கு கட்ட வேண்டிய Income Tax-லிருந்து Part Payment ஆக Advance Tax கட்ட வேண்டும். இதன்படி கவனித்தால் Rs.10000/- க்கு மேல் Income tax கட்ட வேண்டியவர்கள் அந்த வருடத்திலேயே மொத்த Income Tax-யும் கட்டவேண்டியுள்ளது.

நீங்கள் மாத சம்பளம் வாங்கும் பட்சத்தில், நீங்கள் வேலை செய்யும் நிறுவனம் உங்களது மாத சம்பளத்திலிருந்து Salary TDS வாயிலாக பிடித்தம் செய்து Income Tax department-க்கு கட்டிவிடும், எனவே மாத சம்பளம் மட்டும் வாங்கும் நபர் Advance Tax கட்ட வேண்டியது இல்லை. மாறாக மாத சம்பளம் மற்றும் Other Income (வாடகை, Etc.,) வரும் பட்சத்தில் நீங்களும் Advance கட்ட வேண்டியது வரும்.

எவ்வாறு Advance Tax Calculate செய்வது?: உங்களுடைய வருட Income-ஐ கணக்கில் எடுத்து, அனைத்து விதமான Deduction-களையும் செய்து, அந்த வருட Tax Rate-படி Income Tax கால்குலேட் செய்து அந்தந்த Due Date-க்குள் Percentage slab படி Advance Tax கட்ட வேண்டும்.

தற்பொழுது நடைமுறையில் உள்ள Advance Tax Due Date மற்றும் Tax Percentage (FY 2019-20)

Due Date	Advance Tax Payable Percentage
on or before 15th-June	15% Advance Tax (Less Advance tax already Paid)
on or before 15th-September	45% Advance Tax (Less Advance tax already Paid)
on or before 15th-December	75% Advance Tax (Less Advance tax already Paid)
on or before 15th-March	100% Advance Tax (Less Advance tax already Paid)

தோராயமான Income முறையில் Income Tax file செய்யும் கம்பெனிகளுக்கு மட்டும், March-15^th க்குள் 100% Advance Tax Payment செய்திருக்க வேண்டும்.

Advance Tax எவ்வாறு Payment செய்ய வேண்டும்? : அனைத்து விதமான Income tax-களையும் Online Banking மூலம் Payment செய்யலாம், Income Tax Challan No: 280 மூலம் Advance Tax Payment செய்ய வேண்டும்.

ஒரு வருடத்தில் கட்ட வேண்டிய income tax-க்கு அதிகமாக Advance Tax கட்டிவிட்டால், முறையாக Income Tax file செய்து Income Tax-லிருந்து வட்டியுடன் Refund பெற்றுக்கொள்ளலாம். இந்த Refund ஆனது Income Tax file செய்யும் பொழுது Return-ல் கொடுக்கப்பட்டிருக்கும் Bank Account-க்கு Credit ஆகிவிடும்.

மேலும் Advance Tax பற்றி சந்தேகம் ஏதாவது இருந்தால் Comment Box-ல் தெரிவிக்கவும்.

Fixed Deposit Interest Should include in income tax return

FIXED DEPOSIT INTEREST SHOULD INCLUDE IN INCOME TAX RETURN

FD மூலம் கிடைக்கும் வட்டிக்கு Income tax கட்ட வேண்டுமா? என்ற சந்தேகம் அனைவருக்கும் இருக்கும். இதனை இந்த பதிவில் விலக்கங்கள் உடன் பார்க்கலாம்.

ஏப்ரல் 01, 2018 முதல் மார்ச் 31, 2019 வரையான ஒரு வருட காலத்தில், வங்கியில் அல்லது அஞ்சலக அலுவலகங்களில் டெபாசிட் திட்டங்களில் டெபாசிட் செய்திருக்கும் தொகைக்கு ஒரு குறிப்பிட்ட பணம் வட்டியாக வரும்.

அப்படி வட்டியாக வரும் தொகைக்கும் வருமான வரி (Income Tax) செலுத்த வேண்டும். பெரும்பாலும், நமக்கு கிடைக்கும் வட்டித் தொகை ஒரு நிதி ஆண்டில் 10,000 ரூபாய்க்கு மேல் போகிறது என்றால், வங்கிகளே நம்முடைய வட்டியில் இருந்து டிடிஎஸ் - TDS – (Tax Deductable at Source) ஆக 10 சதவிகிதம் வரி பிடித்தம் செய்து வருமான வரித் துறையிடம் செலுத்தி விடுவார்கள்.

அதன் பின் நாம் தான் வருமான வரி தாக்கல் செய்யும் போது நாம் செலுத்த வேண்டிய வருமான வரிக்கு அதிகமாக செலுத்தி இருந்தால், ரீ ஃபண்டுக்கு (Refund)விண்ணப்பித்து பெற்றுக்கொள்ள வேண்டி இருக்கும். வரியை குறைவாக செலுத்தி இருந்தால் கூடுதல் வரியைச் செலுத்த வேண்டி இருக்கும்.

மிக முக்கியமான விஷயம் ஃபிக்ஸட் டெபாசிட்களில் இருந்து வரும் வருமானமும் வருமான வரிகளுக்கு உட்பட்டதே. ஆகையால் உங்கள் ஃபிக்ஸட் டெபாசிட் வருமானத்துக்கும் வரி செலுத்தியாக வேண்டும். ஒருவேளை உங்கள் ஆண்டு வருமானம் (ஃபிக்ஸட் டெபாசிட்டில் இருந்து கிடைத்த வட்டியையும் சேர்த்து) வருமான வரி வரம்பிற்குள் இருந்தால் கூட, டிடிஎஸ் பிடித்தம் செய்திருந்தால். நாம் வருமான வரி தாக்கல் செய்து தான் ரீ ஃபண்ட் (Refund) வாங்க வேண்டி இருக்கும்.

உதாரணம்: ராஜேஷ் பெயரில் 5 லட்சம் ரூபாய் ஃபிக்ஸட் டெபாசிட் செய்திருக்கிறார்கள். அதற்கு கடந்த 2018 - 19 நிதி ஆண்டில் 40,000 ரூபாய் வட்டி வருமானம் வந்திருக்கிறது என வைத்துக் கொள்வோம்.

அ. இப்போது ராஜேஷ்க்கு இந்த வட்டி வருமானத்தையும் சேர்த்து 3.90 லட்சம் ரூபாய் வருகிறது என்றால் முறையாக வருமான வரி தாக்கல் செய்து கூடுதலாக செலுத்திய வரியை ரீஃபண்ட் அல்லது கூடுதலாக வரியை செலுத்திக் கொள்ளலாம்.

ஆ. இதுவே ராஜேஷ்க்கு இந்த 40,000 ரூபாய் வட்டி வருமானத்தை சேர்த்தும் கூட 2.5 லட்சம் ரூபாயைத் தாண்டவில்லை என்றால், முறையாக வருமான வரி தாக்கல் செய்து பிடித்தம் செய்த மொத்த வரியையும் ரீ ஃபண்ட் விண்ணப்பித்து வாங்கிக் கொள்ளலாம்.

குறிப்பு: இதில் மற்ற வருமான வரி பிரிவுகளில் வழங்கப்பட்ட சலுகைகள் மற்றும் வரிக்கழிவுகளை கணக்கில் எடுத்துக் கொள்ளவில்லை என்பதையும் கவனிக்க வேண்டுகிறோம்.

HOW TO CALCULATE TAX ON INCOME IN TAMIL

HOW TO CALCULATE TAX ON INCOME

சென்ற பதிவில் Taxable Income என்றால் என்ன என்பதை பார்த்தோம். இந்த பதிவில் Income Tax எவ்வாறு Calculate செய்ய வேண்டும், எந்த Income எல்லாம் கணக்கில் சேர்த்துக் கொள்ள வேண்ரும் என்பதை பார்க்கலாம்.

சென்ற பதிவில் ராஜேஷ் உடைய வருமானம் Rs.5,50,000/- என்று பார்த்தோம், இந்த வருமானத்தில் என்ன என்ன அடங்கியுள்ளது என்பதை பார்க்கலாம்.

1)      வருட சம்பளம்                                      -              Rs.4,30,000/-  

2)      PF பிடித்தம் செய்யப்பட்டது            -              Rs.21,600/-

3)      வாடகை மூலம் வருமானம்             -              Rs.96,000/-

4)      Bank Saving A/c Interest                           -              Rs.2,400/-

மொத்தமாக – Rs.5,50,000/-

இது போல தனிநபராக இருப்பின் அவருக்கு ஒரு வருடத்தில் வரும் அனைத்து விதமான வருமானங்களையும் அவரது Income –ல் காண்பிக்க வேண்டும். சென்ற பதிவில் தெரிவித்தபடி அவர் ஒருவருடத்தில் செய்த செலவுகளை கழிக்க வேண்டும். மேலும் செலவு செய்த தொகைக்கு Payment செய்ததற்கு உண்டான சரியான Receipt Copy வைத்துக்கொள்ள வேண்டும்.

வருட வருமானம்                                                        -             Rs.5,50,000/-

பள்ளி செலவு (-)                                                           -             Rs.40,000/- (Under 80C Section)

Life Insurance Investment (-)                                            -             Rs.20,000/- (Under 80C Section)

நன்கொடை (50% only) (-)                                           -             Rs.5,000/- (Under 80G Section)

Medical Insurance (-)                                                       -              Rs.15,000/- (Under 80D Section)

PF Deduction (-)                                                               -              Rs.21,600/- (Under 80C Section)

National Pension Investment (-)                                       -              Rs.25,000/- (Under 80CCD Section)

                                                                                              -------------------------------

Taxable Income                                                                  -             Rs. 1,26,600/-

                                                               

இந்த ராஜேஷ் உடைய Taxable Income 2018-19 –ம் வருடத்திற்கு என வைத்துக் கொள்வோம். ராஜேஷ்-ன் வயது 35. கீழே 2018-19-ம் வருடத்திற்கு உண்டான Tax Income Tax Percentage Table கொடுக்கப்பட்டுள்ளது.

Income Tax Slabs	Tax Rate for Individual & HUF Below the Age Of 60 Years
Up to ₹2,50,000*	Nil
₹2,50,001 to ₹5,00,000	5% of total income exceeding ₹2,50,000
₹5,00,001 to ₹10,00,000	₹12,500 + 20% of total income exceeding ₹5,00,000
Above ₹10,00,000	₹1,12,500 + 30% of total income exceeding ₹10,00,000

மேலே உள்ள Table படி Up-to Rs.2,50,000/- வரையிலான Taxable Income-களுக்கு Tax கட்ட தேவையில்லை, ஏற்கனவே நமது பதிவில் 2018-19-க்கு உண்டான Tax மட்டுமே குறிப்பிட்டுள்ளோம். மேலும் 2018-19-ம் வருடத்திற்கு Standard Deduction ஆக Taxable Income-லிருந்து Rs.40000/- கழித்துக்கொள்ளலாம் மற்றும் Taxable Income Rs.3,50,000/- க்குள் இருப்பின் Tax Amount-ல் இருந்து Rs.2500/- Rebate பெற்றுக்கொள்ளலாம்.

இதன்படி ராஜேஷ்-ன் Taxable Income Rs.1,26,600/- ஆக இருப்பதால் அவருக்கு Income tax 2018-19 வரி கட்ட தேவையில்லை.

Taxable Income                                  -              Rs.1,26,600/-

Standard Deduction (-)                      -              Rs.40,000/-

                                                                          ---------------

                                                                          Rs. 86,600/-

1^st Slab for Nil Tax Rate (-)                             Rs.2,50,000/-

இதுவே Taxable Income Rs.3,50,000/- ஆக இருந்தால் Income Tax எந்த மாதிரி Calculate செய்யலாம் என பார்ப்போம்.

Taxable Income                                  -              Rs.3,50,000/-

Standard Deduction (-)                       -              Rs.40,000/-

                                                                -----------------------------

                                                                         Rs. 3,10,000/-

1^st Slab for Nil Tax Rate (-)                              Rs.2,50,000/-

                                                                -----------------------------

                                2^nd Slab for 5% Tax Rate                               Rs. 60,000/-

                                                                                                ===============

                                Rs.60,000/- க்கு 5% என கணக்கிட்டால் Rs.3,000/- Income Tax ஆக வருகிறது, இந்த Rs.3,000/- க்கு Education Cess 4% (Rs.120) சேர்த்து Rs.3,120/- Income Tax ஆக Payment செய்ய வேண்டும்.

இந்த Rs.3,120/- ஆனது Income Tax கட்ட வேண்டிய காலத்திற்குள் Payment செய்திருக்க வேண்டும், அவ்வாறு Payment செய்யாமல் இருந்தால் Rs.3,120/- க்கு Income tax-ல் கூறியுள்ளபடி Late Payment Interest உடன் Payment செய்யவேண்டி வரும். அடுத்த பதிவில் Income Tax Interest எவ்வாறு Calculate செய்யலாம் என்பதை பார்ப்போம்.